ᐊᑎᖅᓯᐅᕐᓂᕐᒥᒃ ᐱᓕᕆᐊᖃᕐᓂᖅ

ᐱᓕᕆᐊᒃᓴᕐᒥ ᖃᓄᐃᓕᐅᕐᓃᑦ

• ᐱᓕᕆᐊᖃᕐᓂᕐᒥ ᐱᒻᒪᕆᐅᓛᖑᔪᑦ
• 2004
• 2005
• 2006
• 2007
• 2008

ᐅᑎᒧᑦ

ᐅᐱᕐᖔᖓᓂ 2008
ᐃᑲᔪᓚᖅᐸᕗᑦ ᓱᓕᔪᒥᒃ ᑭᒡᓕᓯᓂᐊᖅᑏᑦ ᐃᖅᑲᖅᑐᐃᔨᖏᓐᓂᒃ ᖃᐅᔨᓴᖅᖢᑎᒍᑦ ᑎᔾᔨᑕᙳᖅᑎᖦᖢᒋᓪᓗ ᐊᔾᔨᙳᐊᑦ LACᒃᑯᑦ ᑲᑎᖅᓱᖅᓯᒪᔭᖏᓐᓂᑦ ᐊᑐᖅᑕᐅᓛᕐᒪᑦ ᒪᒃᐱᒐᖓᓂ (ᐅᓪᓗᖓᓂ ᑎᓯᐱᕆ 2008, ᒪᒃᐱᒐᖓ ᓱᓕ ᐊᑐᐃᓐᓇᐅᓚᐅᙱᓚᖅ).

ᒪᐃ 2008
ᐃᓚᐅᓚᐅᖅᐳᒍᑦ ᐅᖃᓪᓚᒃᑎᐅᖃᑕᐅᓪᓗᑕ ᑕᑯᒃᓴᐅᑎᑦᑎᓂᖅᑕᖃᖅᑎᓪᓗᒍ ᑲᑎᒪᕐᔪᐊᕐᓂᖅᑕᖃᖅᑎᓪᓗᒍ ᐅᑭᐅᖅᑕᖅᑐᓕᕆᓂᕐᒥᒃ ᐃᓕᓐᓂᐊᕐᓂᓕᕆᓂᕐᒥ ᐅᑭᐅᖅᑕᖅᑐᕐᒧᑦ ᓯᓚᑦᑐᖅᓴᕐᕕᖕᒥ ᑖᒻᓴᓐ ᒫᓂᑑᐸᒥ. ᑖᓐᓇ ᑕᑯᒃᓴᐅᑎᑦᑎᓂᐅᔪᖅ ᑕᐅᑐᒃᑕᔪᓐᓇᕐᓂᒃᑯᑦ ᑲᑎᒪᖃᑎᖃᕐᓂᐅᔪᒃᑯᑦ ᑳᓕᑕᓐ ᓯᓚᑦᑐᖅᓴᕐᕕᒡᔪᐊᖓᓂᑦ ᐋᑐᕚᒥᑦ. ᑕᐃᒃᑯᐊ ᐅᖃᓪᓚᒃᑎᐅᖃᑕᐅᓚᐅᖅᑐᑦ ᐋᓐᓄᕈ ᕌᔾᔪ, LACᑯᓐᓄᑦ ᐊᔾᔨᙳᐊᓂᑦ ᑐᖅᑯᖅᑕᐅᓯᒪᔪᓕᕆᔨ; ᑳᓚᐃ ᕗᐊᓯᐊᐃ-ᕼᐊᓗᕙᐃ, LACᑯᓐᓄᑦ ᐊᐅᓚᔪᓂᒃ ᑐᖅᑯᖅᑕᐅᓯᒪᔪᓕᕆᔨ; ᐊᒻᒪ ᓯᓚᑦᑐᖅᓴᕐᕕᒡᔪᐊᕐᒧᑦ ᐃᓕᓴᐃᔨ ᑳᕈ ᐸᐃᓐ ᐃᓕᓐᓂᐊᖅᑕᐅᓂᓕᕆᕝᕕᖕᒥᑦ ᑕᑯᓐᓇᖅᑕᐅᔪᒃᓴᓕᕆᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ, ᑳᓪᑕᓐ ᓯᓚᑦᑐᖅᓴᕐᕕᒡᔪᐊᖓᓂᑦ.

ᓯᑎᐱᕆ 2008
ᐋᖅᑭᒃᓱᐃᓚᐅᖅᐳᒍᑦ ᐅᓪᓗᓗᒃᑖᖅ ᖃᓄᐃᓕᐅᕐᓂᐅᓚᐅᖅᑐᒥᒃ ᐃᓚᒋᓪᓗᓂᐅᒃ ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ ᒪᕐᕉᖕᓂᒃ ᐱᓇᓱᐊᕈᓰᖕᓂᒃ ᐱᓕᒻᒪᒃᓴᖅᑎᑦᑎᓂᖏᓐᓄᑦ. ᑕᑯᔭᖅᑐᖅᑎᑦᑎᓚᐅᖅᐳᒍᑦ ᑭᒃᑯᑐᐃᓐᓇᕐᓄᑦ ᑕᑯᔭᐅᕙᙱᑦᑐᓂᒃ ᒑᑎᓅ-ᒥ ᓱᕋᒃᑕᐃᓕᑎᑦᑎᕝᕕᖕᒥ ᐊᔾᔨᙳᐊᑦ ᑐᖅᑯᐃᕝᕕᖓᓂ, ᐃᖅᑲᓇᐃᔭᖅᑏᑦ ᐅᖃᓪᓚᒋᐊᖅᑐᖃᑦᑕᓚᐅᕆᓪᓗᑎᒃ ᐃᓕᓐᓂᐊᖅᑎᑦᑎᓪᓗᑎᒡᓗ.

ᓄᕕᐱᕆ 2008
ᖃᐅᔨᓴᕆᐊᖅᑐᓚᐅᖅᐳᒍᑦ ᑲᑎᖃᑎᖃᕆᐊᖅᑐᖅᖢᑕᓗ ᑲᖏᖅᖠᓂᕐᒥ ᐃᖃᓗᖕᓂᓗ. ᑲᖏᖅᖠᓂᕐᒦᑎᓪᓗᑕ, ᐃᓚᐅᓚᐅᖅᑐᒍᑦ ᐃᔾᔨᙳᐊᓂ ᑭᒃᑰᔪᓂᒃ ᐃᓕᓴᖅᓯᔭᖅᑐᖅᑎᓪᓗᒋᑦ ᖁᓖᑦ ᐃᓐᓇᑐᖃᐃᑦ ᑭᕙᓪᓕᕐᒧᑦ ᐃᓕᓐᓂᐊᕐᓂᓕᕆᕝᕕᖕᒥ, ᐊᒻᒪ ᐅᓄᕐᓂᖅᓴᓄᑦ ᖃᓄᐃᓕᐅᖅᑎᑦᑎᔪᓄᑦ ᓄᓇᓕᖕᒥᐅᑕᓕᒫᓄᑦ ᓯᓂᒃᑕᕐᕕᖕᒥ ᐅᐸᒃᑐᖃᖅᖢᓂ ᐃᓄᖕᓂᒃ ᐊᑯᓐᓂᖓᓂ 80 ᐊᒻᒪ 90 ᖃᓄᕈᓘᔭᖅ ᐅᑭᐅᖃᖅᖢᑎᒃ. ᐃᖃᓗᖕᓂ ᐱᓕᕆᐊᖃᕐᓂᕐᒧᑦ ᐊᑎᖅᓱᐅᕐᓂᕐᒥᒃ ᓴᖅᑭᑎᑦᑎᓃᑦ ᑲᔪᓯᑎᑕᐅᓚᐅᖅᐳᑦ ᓄᓇᑦᑕ ᓱᓇᒃᑯᑖᖏᑦ ᑕᑯᓐᓇᒐᖃᕐᕕᖓᓂ, ᐃᓄᒃᓱᒃ ᐃᓕᓐᓂᐊᕐᕕᐊᓗᖕᒥ ᐊᒻᒪ ᓄᓇᕗᑦ ᓯᓚᑦᑐᖅᓴᕐᕕᖕᒥ. ᑖᒃᑯᐊ ᑲᑎᑎᑦᑎᓃᑦ ᑭᒃᑯᑐᐃᓐᓇᕐᓄᑦ ᑲᔪᓯᑦᑎᐊᖅᑐᒻᒪᕆᐅᓚᐅᖅᐳᑦ, ᑭᖑᓂᐊᒍᑦ 230 ᐅᖓᑖᓂ ᐃᓄᐃᑦ ᓇᓗᓇᐃᖅᑕᐅᓚᐅᖅᐳᑦ ᐊᕙᓗᐊᓂ 125 ᐊᔾᔨᙳᐊᓂ. ᓯᐅᓪᒪ ᐊᑯᓪᔅ ᐊᒻᒪ ᓇᓕ ᑯᓱᒐᖅ (ᓄᓇᕗᑦ ᓯᓚᑦᑐᖅᓴᕐᕕᒃ) ᑲᖏᖅᖠᓂᕐᒥᑦ ᐊᒻᒪ ᓕᐊ ᑲᓛᒃ (ᓄᓇᕗᑦ ᓯᓚᑦᑐᖅᓴᕐᕕᒃ) ᐊᒻᒪ ᐃᐊᕆᑲ ᓴᒻᑯ ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ ᐃᖃᓗᖕᓂᑦ ᐋᖅᑭᒃᓱᐃᓚᐅᖅᐳᑦ ᐳᓚᕋᕐᓂᐅᔪᒥᒃ ᓄᓇᓕᖕᒥᓂ.

ᑎᓯᐱᕆ 2008
ᐋᖅᑭᒃᓱᐃᓚᐅᖅᑐᒍᑦ ᒪᕐᕉᖕᓂᒃ ᐅᓪᓘᖕᓂᒃ ᓄᓇᕗᑦ ᒐᕙᒪᒃᑯᓐᓂᙶᖅᑑᒃ ᐃᓕᖅᑯᓯᓕᕆᔨᒃᑯᓐᓂᑦ ᑑᕆᑕ ᐃᔨᕋᐅᑉ ᓯᐅᓪᕕᐊ ᖁᓕᑦᑕᓕᐅᓪᓗ ᖃᐅᔨᓴᕆᐊᖅᑐᕐᓂᖏᓐᒥᒃ. ᖃᐅᔨᓴᕆᐊᖅᑐᓚᐅᖅᐴᒃ ᐱᔾᔪᑎᖃᖅᖢᑎᒃ ᐃᓕᖅᑯᓯᓕᕆᔨᒃᑯᑦ ᐱᓕᕆᐊᒃᓴᖏᓐᓂᑦ ᓯᕗᕚᕆᓕᕆᓂᕐᒧᑦ ᑭᖑᕚᕆᓕᕆᓂᕐᒧᓪᓗ ᐊᑎᖃᖅᖢᓂ "ᐊᔾᔨᙳᐊᑎᒍᑦ ᐊᐱᖅᓱᕐᓃᑦ", "Archival Pictures Interviews". ᑲᓇᑕᒥ ᐅᖃᓕᒫᒐᖃᕐᕕᒃ ᑐᖅᑯᖅᑕᐅᓯᒪᕝᕕᒡᓗ ᐃᑲᔪᐃᓐᓇᕐᓂᐊᖅᐳᖅ ᐃᓕᖅᑯᓯᓕᕆᔨᒃᑯᑦ ᖃᐅᔨᓴᕐᓂᖏᓐᓂᒃ ᐊᔾᔨᙳᐊᓂᒡᓗ ᑎᔾᔨᑕᙳᑦᑎᑦᑎᓂᖏᓐᓂᒃ 2009 ᐅᑭᐅᖓᓂ.

ᐅᑎᒧᑦ